Euskarazko Corpusen Ataria

Interneten euskarazko hainbat corpus (testu bildumak) asko daude gaur egun: XX. mendeko euskararen corpus estatistikoa, Ereduzko Prosa, Zientzia eta Teknikako Corpusa... eta bakoitzak bere ezaugarriak eta bere kontsulta-interfazea eskaintzen ditu.

Karrera Bukaerako Proiektu honen helburu nagusia hauxe litzateke: Interneten dauden euskarazko corpusen atari nagusi bat eratzea. Atari horrek corpus guztien interfaze bateratua izan nahiko luke, alegia, erabiltzaileari aukera emango lioke kontsultak egiteko, eta kontsulta horiek nahi duen corpusetara bideratzeko erantzunen bila.

Erantzunok modu bateratu batean aurkeztuko litzaizkioke erabiltzaileari, Google-ren snippet-en antzekoak erabiliz, adibidez.
Besteak beste, aplikazioak adiministrazio-modulu bat ere eskaini beharko luke, honako hauek egin ahal izateko: corpusen helbideak edo kontsulta egiteko moduak aldatzen direnean, sistema eguneratzeko aukerak; corpusak ataritik kendu edota berriak sistemaratzeko aukerak, pertsonalizazio-aukerak...